1 相隔廿年再睇《 十二夜 》有咩感觉？

《 十二夜 》有啲对白都已经唔记得，拍过咩？写过咩？拍得比较幼嫩。以前感动嘅位同今晚又唔同咗，随住年纪唔同原来係会唔同咗，唔同成长阶段都有唔同嘅触动位。

 

以前好锺意分手落雨个场，咁辛苦拎部电脑俾你又唔重视，好代表到我哋女人嘅心声。但头先睇，我最感动竟然係结局。结局个感觉好似「又走过一回了」，可能年纪大咗，呢样令我更加感触。（以前同依家对爱情嘅睇法有咩唔同？）依家宽容咗啲，死啦，好似写到啲男人咁衰。哈哈，有啲唔好意思。依家睇返有两个位我觉得应该收少少，嗰时觉得天公地义。

 

2 点解Eason个角色要叫个咁偏既姓「禤」？有冇原因？金牌大只平台

其实全部角色名都係我朋友嘅名。而嗰班係我读导演会嗰班朋友嚟，所以专登纪念佢哋。姓「禤」嗰个就好尴尬，佢女朋友之后识我哋，就问「点解改个男仔名姓禤，係咪讲紧我哋？」唔係啊！係个名好似好高级咁所以先用。完全唔关佢事。

 

3 卢巧音个角色有冇暗恋张柏芝？

头先我睇嘅时候，咦，係喎，有句对白好似俾人误会咗。「好多人锺意你㗎」，我见卢巧音演嘅时候，佢好似诠译咗个意思做「我都锺意你」。哈哈，我依家睇觉得係，我写嘅时候冇咁谂，但都可行嘅。卢巧音真係好鬼马，做得好好。当时好辛苦，拍到半夜都唔为意。

 

4 点解分手都要喺7-11？

嗰时写剧本係有两个前设，第一个係想写好多对白嘅剧本，冇乜剧情嘅；第二个就想多啲香港特色，例如地铁、7-11、街…… 同埋夜晚嘅7-11好「香港」，大家都会去食嘢、倾计、分手咁。好好笑，早几日喺中环行过，见到一对人，我哋依家戴口罩嘛，咁嗰一男一女就冇戴，著同样颜色嘅衫，即係情侣啦。企埋牆度又唔讲嘢，咁我谂佢哋嗌紧交。嗌交係可以唔理喺边度，要发生就发生。

 

5 点解柏芝鼓起勇气同旧爱Eason诉心声，Eason个衰鬼要瞓着呢？

我头先睇返又係有少少唔忍心，点解我嗰时写嘢咁Mean。讲到咁投入做咩要瞓啊，廿年之后我个人真係冇咁Mean。嗰时觉得呢下係成场戏亮点，我写嘅时候已经决定佢要瞓。我正正想讲如果对方嘅感情抖多几抖，你点样做其实佢都係瞓觉，佢都唔会有反应。

 

6 拍完《十二夜》有冇变咗爱情专家？

有啊，我成日都係「卢巧音」。成日都要陪佢哋、不断讲嘢，不过其实冇乜用，佢想你同意佢之嘛，咁你咪同意下佢囉。但我有时都几白，试过俾人话「你讲嘢都几辣㗎喎，但又好啱」所以好多朋友失恋都搵我。（点算啊咁多朋友搵你）咁咪用嚟写剧本哈哈。金牌大只是什么网站？我有时真係几冷血，对方喊呢，会觉得又唔係死人冧楼、又唔係冇咗层楼、又唔係冇咗份工、又唔係个《国安法》，依家我哋就真係喊喇。

 

 

7 如果有续集，你会写廿年后Jeannie同Alan，定係全新嘅故事？

其实我写咗个《十二日》，係讲夫妇。讲一对夫妇由结婚嗰日到今日想分开，又分唔开再喺返埋一齐，嗰种嘅无奈。都几有趣，拍拖同结婚嘅相处、大家嘅期望係有啲唔同。依家睇呢个係比较年轻，小朋友拍拖，《十二日》就真係好深入，两性关係嗰种真係好爱对方而唔能够伤害嗰种痛。其实好奇怪，你好爱一个人，但你又唔能够再爱。《十二夜》嗰啲唔係「爱」，都係拍下拖，当其时觉得好爱，《十二日》就係讲好深嘅感情。