《犯罪现场》导演兼编剧 冯志强 访问 近年最欣赏嘅电影剧本係⋯

香港电影编剧家协会除了每年颁发两个「年度推荐剧本奖」外，去年增设「最佳角色演绎奖」嘉许表现出色的演员，但一个成功角色的诞生，编剧功不可没，因此今年奖项将易名 为「年度最佳电影角色奖」，同时表扬参与创造全年港产片最佳角色的编剧及演员。协会副会长 冯志强 近日接受 Hong Kong Movie 专访，大谈对奖项及创作的看法。

 

 

1.  好少奖係演员加编剧一齐攞，可唔可以简单介绍下「年度最佳电影角色奖」？

呢个係香港编剧家协会今年新增设嘅奖项嚟。我哋设计呢个奖时，係由编剧会嘅角度出发，冇分主角定配角。旧年就有个叫「最佳演绎奖」，但我哋觉得如果由创作角度睇，选一个年度最佳角色会比较适合。一个角色嘅设计其实係来自编剧同演员嘅共同努力，所以我哋提名名单以演员同编剧为一个组合。角色係以创作角度去选，然后编剧会会员一人一票选出嚟。

 

 

2. 演员喺角色设计上，通常喺边个方向付出？

编剧创作就係以文字开始啦，有咗个确实演员之后，无论外形或者佢演出嘅节奏、声线等等都係将角色立体起嚟一个好重要嘅过程，咁其实係演员创作过程嚟。即係有时可能句对白係由文字写出嚟，但通过演员嘅口讲出嚟呢，佢自己独有嘅节奏係可以演活角色。

 

3. 另一位编剧陈咏燊有讲过，呢个奖係唔分男、女，甚至死物都可以，金牌大只可靠吗？你可唔可以就呢个讲法讲解下？

因为我哋编剧会觉得，如果真係要选角色就唔应该规限于男或者女定係动物，因为一个角色嘅设计，例如你话小Q，其实佢係一个好重要嘅角色嚟。虽然係一隻狗去饰演导盲犬，但背后都有编剧嘅设计，佢都有性格，係有血有肉嘅角色。又例如《大侦探福尔摩斯：逃狱大追捕》，虽然佢冇演员亲身去演释呢个角色，但都係角色。所以一定由角色出发，如果《大侦探福尔摩斯：逃狱大追捕》赢就会係编剧同声演嘅配音员去得奖。

 

4. 近年有冇咩电影奖项你比较深刻？

A: 近年Movie6呢个奖（MOVIE6全民票选电影大奖）都好有意思，因为佢係一个睇场次、买飞嘅App，代表咗一啲真金白银买飞入场睇戏嘅观众，係一个几有代表性嘅奖。

 

 

5. 请你介绍下《犯罪现场》林法樑呢个角色，评价张继聪点样演绎你写嘅角色

林法樑其实对比传统、好勇猛嘅警察係另一个极端，佢只当係一份工，准时返工、放工係好紧要。佢将所有精力放咗喺照顾流浪动物身上。因为佢愈对得人多，就愈锺意动物。係一个反传统警察。就偏偏遇到个超级大贼，就係古天乐饰演嘅汪新元，特登有个咁嘅对比。

 

点解要设计佢咁锺意动物呢，因为戏入面有个关键目击者，就係隻鹦鹉，佢睇到成个凶案嘅经过。就係因为林法樑锺意动物，所以佢会睇到呢个空隙。由鹦鹉去破案，成个设计就係咁嚟。

 

搵张继聪嚟演之后，我觉得近年大家睇佢嘅喜剧演出都係好出色。但我觉得佢唔止演喜剧好，因为大部份演喜剧嘅人，演任何戏都得㗎了。张继聪近年嘅状态更加係一流，所以特登透过呢个角色，将佢拉到更阔嘅演出空间。当然佢个人嘅节奏，或者係好多情绪嘅把握，都係做得非常之好。佢係将我写嘅呢个角色大大提升咗。

 

 

6. 入围名单有冇边啲角色／演员你自己係好欣赏？

我冇睇哂咁多部戏，我睇过嘅印象中，《狮子山上》嘅卫诗雅係做得几唔错。佢係林德顺嘅太太，佢见到先生脚受伤之后，成个心理状态变化都係做得好好。其实佢努力咗好多年，都係一位好好嘅演员。

 

 

7. 设计角色要谂到几仔细？定係会设计得空泛少少，金牌大只可靠吗？俾演员自己幻想、发挥？

我写嘅时候会谂得尽量仔细，有几仔细得几仔细，未去到出生月日嘅，除非特别有戏剧喺上面。但例如角色性格、喜好、身边嘅人，什至造型，我都会写。因为我觉得编剧有责任去设计。然后到同演员沟通嘅过程，咁因为我本身都係个导演，可以贯穿导演、编剧同演员嘅沟通。当然最后无论写得几仔细，最尾都要通过演员去演出。对白写得几精彩都好，都要演员讲到出嚟，先有嗰个效果。

 

 

8. 角色灵感通常嚟自边度？係咪会照住心水演员设计？

通常如果我自己原创嘅故事，次序係主题、角色、事件。我都会係由成个戏嘅主题开始。要表现呢个主题需要啲咩，自然就会有需要嘅角色出现，我係用呢个方法。又以《犯罪现场》为例，入面讲紧个主题就係人人都有机会犯罪，所以设计咗张继聪呢个角色，佢同古天乐嘅角色啱啱係一个对比。古天乐係一个犯过罪嘅人，张继聪係一个有机会犯罪嘅人，其实係行同一条路。 所以基于主题，所以设计两个咁嘅角色，透过佢哋嘅衝突去呈现主题，亦因为咁有相对性格出现。

 

有句说话：「三流电影讲情节，二流电影讲人物，一流係主题同世界观。」

 

9. 近年有咩电影嘅剧本或电影角色特别欣赏？（咩国家嘅电影都得）

《我不是药神》真係好好睇。《沦落人》都写得好好

 

10. 有咩角色想写，或者好难写得好？

所有未写嘅都想。我怕闷，尽量唔想重複，对演员都会係挑战。

 

11.会唔会有电影你睇嘅时候觉得好差， 但知道其实剧本係写得好？

唔会，因为通常剧本差，套戏一定差。有嘅通常係条桥，你觉得好有发挥空间，但最后觉得浪费咗。