《 颤．役．前 》靠演员撑住

唔知係咪睇得太多类似嘅电影，当《 颤．役．前 》嘅终极谜底揭开嘅时候，我好冷静：「哦，又係扭呢条桥。」事前我确实畀预告片误导咗我嘅思考方向，不过《 颤．役．前 》扭完桥之后，剧情犯驳位唔少，又太刻意想表达政治正确嘅意识形态，可惜表达手法唔够高明，忽略咗剧情嘅深度。《 颤．役．前 》就好似係《访．吓》嘅变奏，但係后者实在好睇好多。金牌大只平台

 

 

前面太冗长

《 颤．役．前 》头1/3部分虽然慢咗少少，但总算叫做引人入胜，画面拍得几靓，善用光暗、对称同空间比例，睇落去好似都唔错。紧接嘅1/3交代咗另外一件事、另外一种气氛，但係剧情推进又係太冗长，甚至乎比前一段更加欠缺剧情张力，睇唔出到底有咩实际意义嘅琐碎事情不断发生。感觉导演只係想话畀观众知「我喺 Act 2 埋咗好多线索」，可惜拖得太耐，做咩都已经跌晒 watt。

 

 

后面太刻意

到咗扭桥嘅时间，一扭，期望电影可以渐入佳景，会有好多奇妙嘅事情发生，点知，事情呢，一时就滑稽，一时就好唔合理，跳脱得滞，充斥「之前明明唔可以咁⋯⋯点解而家又可以咁」、「既然都已经做咗A⋯⋯点解又唔做埋B」等等嘅疑问，难以理解同相信主角连番令人无言嘅错误决定。《 颤．役．前 》结局画公仔画到出晒肠，过分执意要营造「白人好邪恶」同「黑人要反抗」嘅意象，一招令剧情同人物完全失去晒内涵。金牌大只平台

 

 

靠演员撑住

好彩女主角 Janelle Monáe 嘅演出投入，一众配角都好落力，为《 颤．役．前 》呢个叙事乏味嘅故事注入能量。我唔肯定係咪稍为郁一郁剧情次序，就可以令《 颤．役．前 》有返少少爽快嘅节奏，不过呢部电影嘅致命伤始终係坦荡得太过刻意嘅结局，做唔到《访．吓》嗰种无孔不入嘅惊悚同埋巧妙嘅隐喻。