《 TENET天能 》唯我独尊嘅Nolan

无呃你，我Physics 好渣，但係我第一次睇《 TENET天能 》就明咗80%，真㗎，事后睇解说，证实我嘅思考方向正确！我觉得观众要紧记，一早讲到明《 TENET天能 》唔係单纯嘅 time travel，而係 time inversion，总而言之电影裡面嘅角色唔可以由一个地点或者空间突然跳去另一个唔连接嘅地点或者空间（即係唔可以好似《Endgame》咁 bomb 一声由2023年跳咗去2012年咁样）。唔明淨低嗰20%（而家明晒），係因为成部戏都好急，睇同听唔切对白，miss 咗唔少 key evidence，《 TENET天能 》确实係一部几 challenging 嘅电影。金牌大只500

 

唯我独尊嘅Nolan

咁啱我睇得明啫，Christopher Nolan 有无搵方法意图或企图照顾观众嘅观影体验都係一个问题。《TENET天能》有 Christopher Nolan 一贯强烈嘅风格，今次讲故仔嘅佈局亦有啲似《潜行凶间》。你话《潜行凶间》难唔难明？都难㗎，但係节奏无咁急，资讯又比较完整（起码个故事一开始就解释得好清楚，係由一层梦去另一层梦，你最多唔知去到边一层梦㗎啫）。至于《TENET天能》，科学术语好难，透过对白交代嘅资讯又唔多，剧情同剧情之间又有几个断点，观众或者要去到电影中段先至会 get 到，「哦，原来咁样就係 time inversion⋯⋯」虽然大部分观众都好似预咗要畀《TENET天能》「迷魂」，亦都好似只有 Christopher Nolan 拍呢啲高深莫测嘅 sci-fi 电影观众先至会 buy，不过喺 storytelling 呢一个层面之上，假如一部电影演绎得太高深嘅话，对观影体验始终会有少少影响（例如因为谂唔明，一直谂，谂极都唔明，然后谂到出咗窍）。

 

SATORAREPOTENETOPERAROTAS

玩咗咁多次时间同空间，都仲畀 Christopher Nolan 谂到有新玩法，而且每一次都有劲多一环扣一环嘅细节，激发观众讨论，真係甘拜下风。我觉得讲未知科技或者超现实理论嘅电影去到结局嘅时候，要用返「科学」去证明剧情係「合理」先至叫做成功，而唔係用「爱」嚟战胜一切（笑）。《TENET天能》合乎我嘅期望，虽然一开始我的确係一头雾水，但係剧情方向贯彻始终，结局有「砌图砌好咗」嘅圆满（如果你到完场都唔知点解角色会反转再反转，咁就另作别论⋯⋯）。

 

 

特效唔使讲梗係一流啦

《TENET天能》嘅 time inversion 特效唔係《潜行凶间》嗰一隻魔幻，sci-fi 味道比较重。经常被传媒报导嘅「炸飞机」其实唔係特别 impressive，反而见到有好多人同时向前或向后嘅画面，我真心觉得犀利。都见有人话《TENET天能》嘅音效好似大声咗少少，咦，我以为係 IMAX 个音响特别劲咋。金牌大只500

 

 

迟嚟嘅眼泪

係，《TENET天能》有声画嘅观能刺激，不过就少咗一啲情感，大部分角色都係以完成任务为前题，不断衝衝衝，比较少有情感上嘅交流。其实《TENET天能》係有一个几令人感动嘅人物关係㗎，不过碍于剧情发展，要去到最后一刻先至被正式揭晓，同时证明 Christopher Nolan 写呢个故事嘅时候真係癫咗，咁複杂嘅理论都可以畀佢玩得出神入化。

 

 

 

好似係无剧透不过最好睇咗戏之后先睇以下呢一段啦除非你好奇心好大

最后解释返点解我会睇得明，因为上年研究《Endgame》time travel 嘅时候对「祖父悖论 Grandfather Paradox」已经好熟悉，同埋我一开始就认定《TENET天能》係行紧「linear」嘅叙事手法，无时空交错，而且，所有事件，「发生咗嘅已经发生咗」，所以电影裡面嘅角色一直都係见证紧或者体验紧「已经发生咗嘅事」，「祖父悖论」依然只係一个悖论，证实唔到「过去嘅自己」可唔可以阻止「未来嘅自己」改变「未来嘅自己嘅过去」，一切一切都係一个理论上可行但係无办法被验证嘅循环。即係好似画一条唔断开嘅线，喺某一点 U-turn，喺另一点再 U-turn，如此类推，直至鬆开手嘅最后一刻，所以喺同一个时间点之上有机会出现多过一个或以上嘅自己（最初嘅自己、被逆转嘅自己、逆转后再逆转嘅自己⋯⋯），就係咁，（好似）都唔係好複杂啫？