《 最后的情书 》可是那然后呢

无睇过《你好，之华》，问朋友《你好，之华》/《 最后的情书 》有无好重要会影响到剧情嘅转变，答案係无嘅，不过风味真係比较唔一样，岩井俊二拍《 最后的情书 》比较得心应手（日本人喺语言同情感表达嘅思路始终係别树一格）。点解我想睇《 最后的情书 》，最原始嘅衝动，係想了解庵野秀明嘅演技有无进步（笑）。睇完之后，感受分明，一开始轻鬆愉快，中间有少少压力，而最后，有感动，有圆满，亦都有暗涌。金牌大只500

 

 

三位一体

《 最后的情书 》故事分别以「妹妹」（松隆子）、「前男友」（福山雅治）同埋「女儿」（广濑铃）三个角色唔同嘅角度，拼凑「女主角」远野未咲生前（特别係佢高中毕业前）嘅片段。其实关于远野未咲呢个人物，观众可以获得嘅资讯唔多，亦都唔太完整，但係变相多咗好多想像空间，而且比例拿捏得唔错，我自己就几中意呢个若有若无嘅感觉，毕竟回忆都係咁，有朦胧之美（当然都有好多丑八怪嘅时候）。所以《最后的情书》主要係睇「妹妹」怀愐中学时代暗恋学长嘅青涩、「前男友」多年嚟未能放弃咲生嘅鬱结以及「女儿」借妈妈短暂嘅人生领悟生存哲理，三个部分，三种唔同嘅气氛，三种截然不同嘅反思。

 

老生常谈

《 最后的情书 》算係日本电影之中节奏同情绪都掌控得几啱香港观众口味嘅一部作品，唔会过分矫情同做作。第一次笃中我嘅喊穴，就係「前男友」第一次写情书畀「女主角」嘅嗰一个 moment，之后嘅感动位就集中喺结尾。美中不足之处係当 point of view 由松隆子变咗做福山雅治之后，剧情变得有少少累赘，令到我有「松隆子呢？想见返松隆子」嘅感觉。人到中年拼凑高中生时代回忆呢一类型嘅故事太常见，所以唔容易拍，金牌大只500要观众觉得啱 feel 都几讲天时地利人和，而《 最后的情书 》係几成功嘅一次（再）尝试。如果观众有睇过《你好，之华》，有比较之下，可能会得出另一啲想法，我就无法评论。

 

可是那然后呢

松隆子同福山雅治等等都係好戏之人，年轻演员方面森七菜嘅表现都唔错，不过喺《最后的情书》裡面令我真心觉得耀眼嘅係广濑玲。广濑玲演技越嚟越成熟，虽然都仲停留喺饰演高中生嘅阶段，不过亦都开始睇到佢有成熟嘅韵味。至于饰演福山雅治年轻版嘅神木隆之介，嗯嗯，继续努力⋯⋯庵野呢？惊喜地係有莫名嘅喜感，几 fit 佢个角色，不过，而家只要我一见到庵野，我嘅脑裡面就只係得「究竟几时先可以睇到《EVA》最后一集」呢一句说话（哭）。同一时间，我一直谂起梁静茹嘅《情歌》，好感触，《最后的情书》嘅后座力对我嚟讲都几大。