《 末世绿洲 》公式化与非公式化之间

「哗，灾难片120分钟咁长？」呢个係我知道《 末世绿洲 》片长嘅即时反应。唔係唔畀灾难片长过两粒钟，只不过，咁样都几考导演嘅功力。Gerard Butler 同导演 Ric Roman Waugh 上一次合作嘅《白宫沦陷3：天使沦陷》直头可以做动作片嘅反面教材，而今次嘅《 末世绿洲 》，至少比《白宫沦陷3》有进步。金牌大只软件

 

公式化与非公式化之间

假如你一心谂住追求连场爆炸同埋大规模破坏嘅紧张刺激，《 末世绿洲 》就完全唔会啱你。 《 末世绿洲 》偏离传统灾难片路线，刻划灾难发生/正要准备发生前人类种种嘅失控行为为主，真正嘅灾难场面为次。貌似非主流，实际上有好多商业嘅计算，好多剧情都係照单执药。主角一家三口一路上轮住咁遇到善良、绝望、趁火打劫、失心疯、冷漠、看透世事等等嘅过客，一层一层推爆观众嘅情绪。你好难否定主角喺天灾呢啲咁特殊嘅情况之下唔会遇到连串奇人怪事，加上剧本结构其实写得唔差，而且都几工整，即使《末世绿洲》只係「呢度加啲嗰度又加啲」嘅「大杂烩」都好，拍出嚟嘅感觉我又觉得唔算差喎。

 

灾难片就係咁㗎啦

《 末世绿洲 》不断强调男女主角（两夫妇）有感情危机呢个 point 就显得无无谓谓。想唱患难下破镜重圆呢支歌仔，但係甚少讲得出男女主角嘅感情问题对个故事有几大衝击。其实男女主角被设定为一对恩爱夫妇都照行得通，好多灾难片都讲主角失散后（特别係为咗仔女所以）好紧张要嚟个大团圆/为亲情而牺牲，根本係灾难片嘅基本元素，甚至乎係人之常情。《 末世绿洲 》仲有好多画蛇添足不过又无伤大雅嘅地方，以上只係其中一个。金牌大只软件

 

 

短啲会好睇啲

据闻最初剧本有多啲灾难场面，可能拍嘅时候无乜 budget 所以畀人 cut 走晒？都好嘅，回归基本步，叫演员认真做好啲戏。相反，其实导演都可以考虑 cut 短啲部戏，cut 走啲无乜意思嘅空镜，某啲情节亦唔需要拍得太长。灾难片嘛，步伐急少少都係应该嘅。

 

 

又嚟讲讲战狼嘅演技

Gerard Butler 演技都仲係十年如一日，不过今次《末世绿洲》畀佢发挥内心戏嘅空间都几大，可以畀佢爆发好多情绪，好过一直做《白宫沦陷》系列裡面完全无灵魂嘅总统保镖角色，美中不足之处係剧本无深入讲佢点样面对佢嘅罪疚。Gerard Butler 亦都做得好过佢对上一部担正嘅灾难片《人造天劫》㗎啦⋯⋯咦？一年都唔係话有好多部灾难片啫，而家係咪唔搵 The Rock 就会搵 Gerard Butler 做灾难片男主角呢？