《 可不可以，你也刚好喜欢我 》睇完预告少女心大爆发，要入场满足一吓

《 可不可以，你也刚好喜欢我 》故事讲田筱湘一直锺意青梅竹马嘅李助豪，点知埋门一脚表白嗰阵，李助豪竟抢先一步向好友宋依静表白！身为KOL嘅依静开出交往条件（真係屎忽鬼），要求助豪要先完成任务：撮合三对绝缘嘅男女，之后先可以同佢喺埋一齐（What a bitch）。助豪向好友筱湘求援，筱湘自觉收皮之馀，半推半就同意帮手，到底最后能唔能够有好结果呢

 

电影改编自畅销散文，其中一个弊病就係因为电影篇幅所限，中间一啲可能散文中好睇嘅情节会带过得好快。所谓「撮合绝缘男女」呢个听落好难嘅任务，喺戏入面就变得好易解决，唔知散文係咪都係咁易啦orz。同埋三对男女，同本身故仔嘅三角关係扣得唔够实，除咗「御姐」嘅故仔之外，其他人物出现彷彿可有可无，甚至抽起一对男女，换过pair入去，其实也无不可。

 

另外就係，我觉得本身男女主角唔能够喺埋一齐嘅理由同设定有少少夹硬，作为衝劲十足嘅白羊座有点不能理解。但戏入面两个人作为好友而一齐周围去嘅场口係几sweet，几适合情侣去睇。呢种友达以上嘅感情，可能会换来唔少观众有共鸣，内心大嗌一声「唉呀～点解唔喺埋一齐呢索性～」金牌大只平台

 

入得场睇呢啲戏，请准备好你个少女心。桥唔怕旧，最紧要受，从来呢类戏都有市场。我唔算叫大推《可不可以》，但同行朋友就反而几受落。金牌大只平台