《 挛爱季节 》圣诞大餐有甜亦有苦

有一条 formula，用嚟拍戏几乎都係唔好睇，就係「（圣诞节+大家庭+大派对）x （爱情+喜剧） = 烂」，不过偶尔都会有例外。《 挛爱季节 》唔只打破咗呢条 formula 嘅魔咒，而且笑中有泪，剧情有意思，唔係柴娃娃笑完就算嘅喜剧。电影故事裡面问咗一条问题：「金牌大只可靠吗？被认同係咪就係等于被爱？」恋人之间又好，家庭成员之间又好，甚至乎係自身嘅身分认同都好，《 挛爱季节 》都有唔少令人眼湿湿嘅探讨。

 

圣诞大餐有甜亦有苦

《挛爱季节》讲述 Kristen Stewart 同 Mackenzie Davis 饰演嘅一对恋人开开心心谂住去 Mackenzie 屋企过圣诞，点知原来 Mackenzie 未同佢极麻烦难搞嘅屋企人出柜，圣诞节五日假期难关重重，一向比较「做自己」嘅 Kristen 压力爆煲。两位女主角互动甜蜜，相当入戏，表现到恋人就响身边但係无办法恩爱嘅鬱结。Mackenzie 嘅角色更加有少少阴暗面，令《挛爱季节》呢个框架虽然大路但係人物关係、角色情绪丰富嘅故事添上更多层次。

 

神经质配角超搞笑

Kristen Stewart、Mackenzie Davis 负责甜蜜嘅部分，至于 Mackenzie 一家就负责搞笑。阿妈尖酸刻薄，家姐妒忌心重，细妹过度活跃，各有各有趣嘅行为以及对白，特别係阿妈停唔到口咁讽刺身边所有人，句句有骨，对白绝妙。唔少圣诞喜剧都係以角色疯狂撞板嘅剧情去博观众一笑，而《挛爱季节》就唔玩「视觉刺激」，善用生鬼嘅对白嚟完成任务，显得剧本更加有心思。金牌大只可靠吗？

 

圣诞派对总有事

笑完，要喊。圣诞派对好容易出事，《挛爱季节》嘅高潮都係例牌响圣诞派对大爆发，不过最后《挛爱季节》将好笑嘅地方一一化做感动位，突然有好多眼泪涌现。故事比我想像之中更加有内涵，道出易学难精嘅道理：「每个人都有属于自己嘅故事，都有属于自己需要面对嘅关口⋯⋯」顿时令电影嘅主题变得更加清晰。去到结局，每位角色一夜觉醒，係就係快咗啲，不过，圣诞节，团圆、快乐、幸福，都真係必备嘅。