《 腿 》入围金马 桂纶镁、导演张耀升真情剖白：医院拍摄对生死有所感悟

专访中问到《 腿 》导演张耀升有关故事创作灵感时，发现原来「寻找腿的故事」係真实发生过，而且仲係发生喺导演嘅父母身上，背负住有种「重临旧地」嘅回忆，到底导演会点样处理同拍摄呢段难忘嘅故事？喺医院拍摄，从中又得到咩感悟？而桂纶美就一改以往形象，饰演一个泼辣嘅角色，佢喺现实中同戏入面角色偏执嘅性格，有冇相似嘅地方？

 

 

1. 恭喜入围金马奖！两位对于入围金马奖有咩感受？

导演：我自己本身係小说家，以小说家嘅身份攞过文学奖嘅数量都算唔少，所以对于入围或者得奖嘅感受已经冇以往咁深刻。但係对于今次金马奖，毕竟係好特别嘅奖项，好多华文电影都会参与⋯⋯ 但今次我比较有感觉嘅部分，反而唔係关于我自己，而係关于杨祐宁（男主角）今次冇入围，係一件好可惜嘅事。主要係因为喺拍戏过程入面，长达一至两个月嘅时间，见到杨祐宁每日努力嘅付出，而且非常平凡咁几乎每一场戏都同导演讨论要点样去演出、对角色嘅诠释，而且仲表现得好好，佢牺牲咗好多。我本来以为杨祐宁会入围，结果佢冇，我觉得有啲对佢唔好意思。所以对于今次提名，深刻嘅反而唔係关于我自己，係关于杨祐宁。

 

桂纶镁：今次对我嚟讲特别意外，毕竟係我第一次演喜剧，其实係一次几高难度嘅尝试。知道入围之后，感觉好似自己一个辛苦摸索嘅过程被其他人见到了，然后好温暖咁拥抱我一下嘅感觉。当然都係非常之荣幸，多谢金马奖嘅鼓励。

 

2. 桂纶镁一改以前形象，会唔会有咩困难？係点样摸索呢个泼辣嘅角色？

桂纶镁：其实我一直以嚟接演角色嘅时候，都唔太会顾及所谓形象嘅问题。而係角色嘅生命力，佢嘅历程，佢经历咩事，用咩方法去解决，一个鲜活嘅人物总会令我心动。今次呢个角色，我喺佢身上见到好多现实生活中，女性喺一啲著急，或者一啲想同人讲道理但沟通唔到嘅情况下，情绪比较歇斯底里嘅状况，或者係大家所谓泼辣嘅一面。所以我睇呢个角色嘅时候，觉得可以对应到现实生活中好多女性嘅形象，无论係我哋有时喺新闻见到女性，或者係我生活中见到嘅阿姨、朋友嘅妈妈，佢哋有时都会有情绪比较激动嘅时候。所以我係透过呢啲生活中接触到嘅形象，仲有对佢哋嘅感受，去理解同演出呢个角色。

 

 

 

3. 导演您本来係文字人，写小说、剧本居多，点解今次会想自编自导？

导演：我本来都有做过导演，不过之前拍嘅係电视电影，或者係自己製作动画。金牌大只可靠吗？做导演係我由细到大嘅愿望，係喺好细好细个嗰阵，只係当时冇咩渠道可以拍电影，于是我就先喺「纸上拍电影」— 开始写小说。写小说嗰阵，脑入面谂嘅都係一啲场景、画面、剪接的手法，所以后来有一啲导演睇完我嘅小说之后就觉得好有电影感，想搵我做编剧，我就係咁慢慢一步一步来。虽然好早就想做导演，但呢件事确实係好难，我都用咗好长好长时间，先觉得自己准备好。

 

 

 

4. 故事的灵感是来自？为甚麽是腿？是国标舞？

导演：故事嚟自真实故事 — 我妈妈喺我爸爸过世之后，将我爸爸条腿搵返嚟嘅故事。呢个係真实发生过嘅，嗰阵喺医院入面都经歴咗好多困难，因为冇人帮我妈妈，佢挑战咗好多人，说服咗好多人，最后先终于搵返我爸爸条腿。但係我爸爸妈妈之间，爱情嘅成分係比较少的。所以喺重新创作呢个故事嘅时候，有思考到如果要令一般人容易啲接受同明白呢一个咁奇怪嘅故事的话，咁我哋应该要有一个「一般人都能感同身受嘅东西」，所以我哋选择咗「爱情」。至于点解係国标舞呢，因为如果腿对佢哋嚟讲係非常非常重要的话，咁「腿」必须係佢哋人生中非常重要嘅转捩点。要将呢个功能放到最大，我谂最好嘅就係跳舞；如果要拣舞蹈嘅话，与其拣芭蕾或现代舞，国标舞我觉得更加适合。因为国标舞係男女双方，一进一退，华尔滋又係国标舞之中最讲求气质嘅舞种，亦代表两个人对于未来嘅嚮往，所以最后拣咗国标舞。亦因为拣咗国标舞之后，就令故事入面「腿」、「爱情」与「寻找自己」串连得更紧密。金牌大只可靠吗？

 

 

 

5. 电影角色为拿回先生的腿十分坚持，这个角色的性格和您本人有相似的地方吗？还是完全不一样？

桂纶镁：如果係对物件嘅执著，我其实冇。因为我成日都唔见嘢，我会幻想嗰样嘢想去旅行，例如我有样嘢喺巴黎唔见咗，我会谂其实「佢」想住喺巴黎，会用一种方式解释。我唔会执著一定要搵到某件物件。但我谂钱钰盈咁坚持要搵返老公隻脚，某部分係佢心入面觉得，透过搵呢条腿，好似搵返最初嘅爱，亦喺搵腿呢个过程中梳理好呢段关係，面对自己嘅感受，真真正正去接受老公嘅离世，係一个告别嘅过程。如果我有个心愿想完成，都会谂办法达到。

 

 

6. 电影有大部份时间都在医院裡拍摄，有甚麽困难或难忘的事？

桂纶镁：有一幕係拍我入医院嘅戏，我同摄影师必须喺真．医护人员、病人之间穿梭，因为镜头好随机，又係一镜到底，好考验现场真．医护人员嘅反应。

 

导演：拍摄途中，因为所有嘅资料搜集、沟通都已经做完，我觉得难忘或困难係喺拍摄前资料搜集嘅部分。我喺医院裡面几乎係喺最顶楼到地下室，全部都去访问过，全部都做过资料搜集。喺咁短时间入面，对整个医疗体制做资料搜集会发现，医院对于生同死有一个刹那间嘅态度改变。人仍然活著嘅时候，就算係几紧急、危急嘅病，就算病人係几咁接近死亡，都会有一套对于活人嘅医疗方式，而且通常愈接近死亡嘅病人，受到照顾愈多；一旦死后，就係另一种完全唔同嘅处理方式，死咗嘅人冇生命，可能佢嘅肢体去到病理科，尸体去到太平间，然后送去殡仪馆，医院嘅处理方式同态度係完全唔一样，生与死就只係一线之隔。有啲人会选择将尸体捐出，用作人体解剖，呢个又係另一种处理方式。所以喺医院资料搜集过程中，发现原来我哋对于人嘅身体有咁多唔同嘅睇法。活著嘅时候，死去嘅时候，死去一段时间之后，都有完全唔一样嘅睇法，反映出面向非常非常嘅广泛，令我好难忘，就好似人同人之间并唔只係「在与不在」嘅差别，係存在好多好複杂嘅东西。